தமிழ்நாடு அரசு நேற்று(19 பிப், 2024) தனது நிதிநிலை அறிக்கையை வெளியிட்டது. நிதித்துறை அமைச்சராகப் பொறுப்பேற்றுள்ள தங்கம் தென்னரசு, தனது முதல் அறிக்கையை 2 மணி நேரத்துக்கும் மேலாக வாசித்தார். அதில் புதிய தொழில் முனைவோருக்கான பல திட்டங்கள் இடம்பெற்றிருந்தன. அவற்றுள் சில:
*முதல் தலைமுறை தொழில்முனைவோரை ஊக்குவிக்கும் வண்ணம் செயல்பட்டுவரும் நீட்ஸ் திட்டத்துக்கு நல்ல வரவேற்பு கிடைத்துள்ளது. அதனையடுத்து இதற்கான நிதி ஒதுக்கீடு எதிர்வரும் நிதியாண்டில் ரூ.101 கோடியாக அதிகரிக்கப்படும்.
*அண்மையில் முதலீட்டாளர்கள் மாநாடுகளை வெற்றிகரமாக நடத்தியுள்ள தமிழ்நாடு அரசு, அடுத்த ஆண்டு ஜனவரி மாதத்தில் சென்னையில் ‘உலகப் புத்தொழில் மாநாட்டை’ நடத்த இருக்கிறது. புதிய தொழில்முனைவோரும் தொழில்துறையில் கோலோச்சிவரும் தொழில் நிறுவனங்களும் இதில் பங்கெடுக்கும்.
*சிறு, குறு, நடுத்தரத் தொழில் நிறுவனத் துறைக்கு இந்த நிதிநிலை அறிக்கையில் ரூ.1557 கோடி ஒதுக்கப்படுகிறது.
