இந்தியாவின் மிகப்பெரிய தொலைத்தொடர்பு நிறுவனங்களுள் ஒன்றான ஏர்டெல் (பார்தி ஏர்டெல் லிமிடெட்) இங்கிலாந்து சந்தையிலும் பட்டையைக் கிளப்பிவருகிறது. இங்கிலாந்தில் ஏர்டெல் நிறுவனம், ’பார்தி டெலி வெஞ்சர்ஸ் யு.கே’ என்ற பெயரில் இயங்கிவருகிறது.
இங்கிலாந்தின் மிகப்பெரிய தொலைத்தொடர்பு நிறுவனமான பி.டி.குழுமத்தின் 24% பங்குகளை வாங்குவதாக தடாலடியாக அறிவித்திருக்கிறார் ஏர்டெல் நிறுவனத்தின் தலைவரான சுனில் பார்தி மிட்டல்.
இந்த கையகப்படுத்தல் நேரடியாக நடக்கப்போவதில்லை. மாறாக, ஆல்டைஸ் யு.கே என்ற நிறுவனத்தை வாங்கப்போகிறது ஏர்டெல். ஏன் அப்படியாம்? அந்த நிறுவனம்தான் பி.டி. குழுமத்தில் 24% பங்கை வைத்திருக்கிறது. இதை வாங்கினால், அதை வாங்கியதாகத்தானே அர்த்தம்.
தொடக்கத்தில் பார்தி டெலி வெஞ்சர்ஸ், 9.99% பங்குகளை வாங்கும். சட்டப்பூர்வ நடைமுறைகளைப் பூர்த்தி செய்தபிறகு 14.51% பங்குகளை வாங்கும். ஆக மொத்தத்தில் 25% பங்குகள் ஏர்டெல் வசம் வந்துவிடும்.
இன்றைய நிலையில் ஆல்டைஸ் நிறுவனப் பங்குகளின் மதிப்பு சுமார் ரூ.3000 கோடிக்கு மேல் இருக்கிறது என்பதால், இந்த கைமாற்றல் நடவடிக்கையின் மதிப்பையும் சுமார் இந்த அளவிலேயே கணிக்கலாம்.
-அருண்மொழி.
