பழங்குடி இளைஞர்களுக்கு திறன் பயிற்சித் திட்டம் அறிமுகம்

• தமிழ்நாடு அரசும் மற்றும் திறன் தமிழ்நாடு அமைப்பும் (TN SKILL ) இணைந்து ஆதிதிராவிடர் மற்றும் பழங்குடியின இளைஞர்களின் வாழ்க்கையை முன்னேற்றும் வகையில் ‘தொடுவானம் 1000’ என்ற திறன் மேம்பாட்டு பயிற்சி வழங்கி வேலை வாய்ப்பை உருவாக்கி தரும் நோக்கில் ஆதிதிராவிடர் மற்றும் பழங்குடியினர் நலத்துறை தொல்குடித் திட்டம் வடிவமைக்கப்பட்டுள்ளது.

இந்த ‘ தொடுவானம் 1000’ என்ற பயிற்சியில் 1000 பழங்குடியின இளைஞர்களுக்கு முன்னணி நிறுவனங்களில் வேலைவாய்ப்பு வழங்கப்பட உள்ளது.

இதில் முதற்கட்டமாக 225 பழங்குடியின இளைஞர்கள் முன்னணி நிறுவனங்களில் இன்னும் 43 நாட்களில் வேலையில் சேர்வதற்கான திறன் பயிற்சி பெற்று வருகின்றனர்.

இரண்டாம் கட்டமாக 800க்கும் மேற்பட்ட பழங்குடியின இளைஞர்களுக்கான சேர்க்கை முகாம் வரும் ஜனவரி 19, 2025 முதல் நடைபெற உள்ளது.

18 முதல் 33 வயதில் உட்பட்டவர்கள் இந்தத் திட்டத்தில் பங்கு பெறலாம். இந்த திட்டத்தில் பங்குபெற முன்பதிவு அவசியம்.

கீழ் கண்ட பணிகளுக்கு திறன் பயிற்சி வழங்கப்பட உள்ளன

குளிர்பதன மற்றும் ஏசி மெக்கானிக் (Refrigeration & AC Mechanic)
பராமரிப்பு தொழில்நுட்ப வல்லுநர்(Maintenance technician)
வீட்டு வயரிங் மற்றும் மோட்டார் ரீவைண்டிங்(House wiring and Motor rewinding)
ஃபோர்க் லிஃப்ட் ஆபரேட்டர்(Fork Lift Operator)
வெல்டிங் தொழில்நுட்ப வல்லுநர்(Welding technician)
மருத்துவ ஆய்வக தொழில்நுட்ப வல்லுநர் டிப்ளோமா(Diploma in medical laboratory technician)
முன் அலுவலக நிர்வாகி(Front Office Executive)
அழகு சிகிச்சையாளர்(Beauty therapist)
உதவி சமையல்காரர்(Assistant Chef)

இந்த பயிற்சி காலத்தில் தேர்ந்தெடுக்கப்பட்ட இளைஞர்களுக்கு தரமான தங்குமிடம், உணவு மற்றும் பயிற்சி கால மாத ஊக்க தொகை ரூ. 6000/-, இவை அனைத்தும் ஏற்பாடு செய்யப்பட்டுள்ளன. பயிற்சியின் முடிவில் உங்களுக்கான முன்னனி தனியார் தொழில் நிறுவனங்களில் வேலை வாய்ப்புகள், அவரவர் விரும்பும் மாவட்டத்திலோ அல்லது அதற்கு அருகாமையிலோ இருக்கும் மாவட்டத்தில் வழங்கப்படும்.

இந்தப் பயிற்சி பெற விண்ணப்பதாரர்கள் கொண்டுவர வேண்டியவை –

சான்றிதழ்கள் (ஆதார் அட்டை, கல்வி மதிப்பெண் பட்டியல், பரிமாற்றச் சான்றிதழ் , சாதி சான்றிதழ், வங்கி கணக்கு புத்தகம் )
3 பாஸ்போர்ட் சைஸ் புகைப்படம்
தங்குவதற்குத் தேவையான உடைமைகள் மற்றும் இதர பொருட்கள்.

ஜனவரி 20 ஆம் தேதி இந்த பயிற்சியை குறித்த தெளிவை ஏற்படுத்தவும் மற்றும் இப்பயிற்சிப் பெற தங்கள் பெயரை முன்பதிவு செய்து கொள்ள வேண்டும். இதற்கான கூட்டம் திருச்சியில் – (பிரஸன்ன மஹால், 40 பெருமாள் கோவில் தெரு, துறையூர்) நடைப்பெற உள்ளது.

கூடுதல் தகவல்களுக்கு: +919361494286, +91 88701 47937

-ஸ்ரீஜா ராதாகிருஷ்ணன்.

(Pic courtesy: www.freepik.com